ႁဵၼ်းလိၵ်ႈတႆးတူဝ်ယၢဝ်း လၢႆးငၢႆႈ ဢမ်ႇတပ်ႈလူဝ်ႇဝူၼ်ႉၼမ် လႄႈ ၶမ်ၸႂ်လွင်ႈၼႂ်းပပ်ႉ ႁဵၼ်းၶပ်ႉၸွမ်းၼင်ႇၼႄဝႆႉၼႆႉၵုမ်ႇထူၼ်ႈယဝ်ႉ။ သင်မေႃဝႆႉတူဝ်မူၼ်းၸိုင် တႃႇတေသိုပ်ႇႁဵၼ်းတူဝ်ယၢဝ်းၼၼ်ႉ မၼ်းဢမ်ႇယၢပ်ႇ ဢၼ်လွင်ႈ ယႂ်ႇမၼ်း လူဝ်ႇလႆႈတွင်းဝႆႉ မိူၼ်ၼင်ႇ
1. ၽၢင်ႁၢင်ႈတူဝ်မႄႈမၼ်း
2. ၽၢင်ႁၢင်ႈတူၼ်းသဵင်
3. မႄႈၵပ်းငဝ်ႈ ၸိူဝ်းၼႆႉၵုမ်ႇထူၼ်ႈလီယူႇယဝ်ႉ။
လွင်ႈသဵင်မၼ်းလႄႈ ပိူင်မၼ်းၼၼ်ႉတေႉ ယွၼ်ႉပိူဝ်ႈႁဵၼ်းၸွမ်းတူဝ်မူၼ်းလႄႈ
ၶႃႈတေဢဝ် တူဝ်မူၼ်းႁဵတ်းပိုၼ်ႉၶၢမ်ႇမၼ်းသေ ၼေဝႆႉယူႇယဝ်ႉ၊ ယွၼ်ႉပိူဝ်ႈၸိူင်ႉၼၼ်
မၼ်းတေပိူင်ႈၵၼ် တင်းပိူင် ဢၼ်ပိူၼ်ႈတမ်းဝၢင်းဝႆႉၼၼ်ႉၶႃႈယဝ်ႉ။
တႃႇတေၵုမ်ႇထူၼ်ႈၼၼ်ႉၵေႃႈ သမ်ႉတေလႆႈႁဵၼ်းတင်းၼမ်လႄႈ
တႃႇတေႁဵၼ်းလႆႈၼၼ်ႉမၼ်းဢမ်ႇငၢႆႈငၢႆႈ။ ၵူၺ်းၵႃႈပဵၼ်ႁိုဝ်ၵေႃႈယဝ်ႉ
မၼ်းတေပိူင်ႈၵၼ်တီႈသဵင်ၵူၺ်း ပေႃးမေႃတႅမ်ႈမေႃလူယဝ်ႉၼႆ ၶႃႈယုမ်ႇယမ်ဝႃႈ
တေပွင်ႇၸႂ်မႃးယူႇ။
ယွၼ်းလႆႈယွမ်းၼွမ်းထိုင် ၽူႈလူလိၵ်ႈႁဝ်းၶဝ် လႄႈ
ၽူႈႁၵ်ႉလိၵ်ႈလၢႆးတႆးႁဝ်းၶဝ်တင်းသဵင်ႈ သင်ဝႃႈမီးတီႈၽိတ်းတီႈပိူင်ႈမၼ်းၸိုင်
ၶႅၼ်းတေႃႈ ၸွႆႈထႅမ် မူၼ်ႉမေးပၼ်သေၵမ်းၶႃႈ။ ၶႃႈႁဝ်း ပႂ်ႉမုင်ႈမွင်း လွင်ႈဢၼ်
ၽူႈႁၵ်ႉလိၵ်ႈလၢႆးႁဝ်းၶဝ် တေမူၼ်ႉမေး၊ ပၼ်တၢင်းႁၼ်ထိုင်မႃးၼၼ်ႉ
ၵူႈၶၢဝ်းယၢမ်းယူႇၶႃႈ။ ၶႃႈၵေႃႈဢမ်ႇၸႂ်ႈဝႃႈ ၵတ်ႉၶႅၼ်ႇ လူင်ႉလႅၼ်ႇ လူင်လူင်လၢင်လၢင်
လႄႈ တႅမ်ႈသပ်းလႅင်းၵႂႃႇၶႃႈ။ ယွၼ်ႉပိူဝ်ႈၶႃႈၵေႃႈ ၸႂ်ႉတိုဝ်းလၢႆးၼႆႉသေ
ႁဵၼ်းႁူႉမႃးလႄႈ ၼင်ႇႁိုဝ်ၸိူဝ်းဢၼ်
ၶဝ်ႈၸႂ် ၶႂ်ႈႁဵၼ်းၼၼ်ႉ သမ်ႉပေႃးတေဢမ်ႇလႆႈၸႂ်ႉ ၶၢဝ်းယၢမ်းႁိုင်ယၢဝ်းသေလႄႈ ႁဵၼ်းဢဝ်ၼႆ
ၶႃႈႁဝ်းၸင်ႇလႆႈသပ်းလႅင်းပၼ် လၢႆးဝႆးမၼ်းၼၼ်ႉၶႃႈယဝ်ႉ။ ၵမ်းလိုၼ်းသုတ်း ယွၼ်းသူးပၼ်
ၽူႈႁၵ်ႉ
လိၵ်ႈလၢႆးတႆးႁဝ်းၶဝ် လႄႈ ၽူႈသူင်ၸႂ်လဵပ်ႈႁဵၼ်း လိၵ်ႈတႆးတူဝ်ယၢဝ်းႁဝ်းၶဝ်တင်းသဵင်ႈ
ႁႂ်ႈလႆႈယူႇလီ မီးငိုၼ်း ႁၢင်ႈလီ ၵိုၵ်းပိုၼ်းၵၼ် ၵူႈၵေႃႉၵူႈၵူၼ်း သေၵမ်း။
ၼမ်ႉယမ်ယႂ်ႇၼမ်သေ
ပၢႆၵမ် - သၢႆလိူၼ်လႅင်း
ၼမ်ႉလွင်း၊ တူင်ႇဝဵင်းမူႇၸေႊ
0 comments:
Post a Comment